Ik pagal nazm pagal samaajoN kay naam


Raakh barsaygi aasmaanoN say
Fizaa main bhar jaygi qabroN ki haddiaN
Apna hi lahu bahayga dariya dariya
NiklayNgay naNgay jism murdoN kay juloos

Kuttay roaiNgay muhN aflaaq pay dhar kar
Aur raqs karyNgi siyaaroN ki hookaiN
Aankh barsa karygi naalioN kay ...

Dard-e-tanhai

NaghmaiN hazar dil main sunaauN kis ko
Haasil kay pursihar jalway dikhaauN kisko?

Nazae ki dhudh maiN hai tamaam basti
Hosh qaraar-e-jurm khuda bani hai pasti

Fitoor ka aalam har zehan pay bana hai
Naqash-e-pa kuhan kay aur un pay hi chalna hai

Jisay daykhiay kal main jee raha hai ...

Nietzsche

Siyaah hai raat bahut sar chupayay baitha hai mahtaab kahiN aasmaanoN main
Woh door door tak haiN afsurda-nasheeN sitaaroN kay lashkar
KahkashaN Saari sharmsaar si huee firti hai


Woh pashymaN sa khra hai Tamm_dun ki na-deeda aankhoN ka swaal
KhwaaboN pay jhapat rahay haiN ...

Hadd-e-fikr say aagay


Swaal haiN jwaab haiN
Khwaab khwaab khwaab haiN
Halaal na haraam hai
Afqaar kay saraab haiN

Hyaat la-jwaab hai
Aur sabko na-gwaar hai
Hyaat la-hadood hai
Par rooh girftaar hai

Hyaat khud maqaam hai
Aur aadmi khwaar hai
Khwaab bhi yaqeen haiN
Yaqeen bhi to khwaab haiN ...

TalkhiaaN

Tu mujh pe karay sang ki baarish
MaiN zubaN bhi hilauN to gunahgaar banuN
MaiNney banaaya aazaadi ko ahud apna
Teri tamn_na ki maiN tera ahalkaar banuN

Meri takhleeq meiN nahiN jo shokhioN ke dum
To teri nazar meiN koi sukhnwar hi nahiN
MaiN afkaar ki hudd se guzar jaaney ka huiN ...

----------------------------------------

----------------------------------------


TalkhiaN


Tujhay aayaa na jo falak choonay ka andaaz
Gunaah bana di gayiN parvaazaiN meri
Ab mera qasoor hai kya teray ahsaas ki ghurbat
Jo dabaatay ho balaNd aawaazaiN meri?

Jab tu mehfiloN maiN ho mast ...

Bekhudi

Ik mauj-e-samndar-e-kaynaat hai zindagi
Khud hi jawaab aur swaalaat hai zindagi

Khud ki talaash yeh safar-e-hyaat
Abhi din ki aarzu ab justju-e- raat

Kuch jaani anjaani raahon pay
UmroN kay qaafilay
Ghardish-e-doraaN main pinha manzilaiN
Kabhi manzil ka pa laina
Phir us say ukta ...

Gharon ko makaan bantay daikha hai
RishtoN ko dukaan bantay daikha hai

Bhartay haiN jo pyaar ka dam har waqt
Pal maiN unhaiN haivaan bantay daikha hai

Kartay haiN jo bathkoN main tehzeeb-o-adab ki baatain
Ghar kay band kamroN main unhaiN shaitaan bantay daikha hai

Awaaz ab uthaaiN apnay aisay ...

KEEMIYA

Khuda bhi sochta tha ik din Banaa kar yeh saari khudaai
Ki kaisay ik fikr nay rach di Yeh tamaam tilsmee sachaai

Ki kaisay khwaabgaahoN ko ghumaan-e-yaqeeN honay lagaa
Magar khwaabgaahoN ki haqeeqat bhi haqeeqat hai
Yeh traadeed ka dilfaryeb fasoon
Sadaaqat bhi fasaanaa hai,fasaanaa bhi ...

Shab-e-furqat main tu agar ayay
sehra main samandar utar ayay

Sangdil koi mila na tujh sa
hum to daikh sara shehar ayay

Dard mera to laga ab sonay
Naya aur koi nashtar ayay

Waqt-e-rukhsat aur kasam yeh hai
aankh main ashq na nazar ayay

Umr bhar rahi hasrat "Sagar"
Apni ulfat ki bhi sehar ayay ...

Dedicated to the women on the Women's day:

ALVIDA


Na tujh pay jafa ka koi ilzaam
Ma maiN apni ulfat pay sharamsaar
Tagaful na peshaymaani na koi shiqayat
Bus zindagi ko dekha apnay apnay andaz say humnay

MaiN ishq ko samjhta hooN zindgi ka muqaddar
Tunay muqaddar ko bus zindagi samjha
MaiN jin ...

KHUSh-AMDEED

Teri aamad ab na banay shayud bayus-e-visaal na sahi
Na ho ab girft maiN meri shayud tera jamaal na sahi
Na ho ab naseeb mujhay teray hoNthoN ki haraarat shayud
Na uthaiN ab teray dil maiN shayud meray khyaal na sahi

Na sahi teri aamad maiN nihaaN ab meray khwaaboN ki taabeer
Na sahi ...

DangoN meiN jab se daikha ik masla hua khwaab
Boseeda saaqi,berang maiqada aur kaRwi hai shraab

Mujhay aayaa na swaal bhi puchnay ka sha_ur
Aur sab yahaaN liyay phirtay haiN jwaabon ki Qitab

Mujhsay puchtay ho to jagaao khud meiN junooN aisa
Patjhar meiN bhi jo karay koshish-e-fasl-gulaab ...

Waqt Ki aankh se deykho tu yeh baat Puraani lagti hai
Teray meray Piyar ki baatein ab aik kahani lagti hai

Meray Dil ki ragh ragh mein wo lahoo ban k behti hai
Larki Jo Nadaan kabhi aur kabhi Siyaani lagti hai

Ahad-e wafa per mein nay guzara jeewan apna tanha tamaam
Hairan Diloun ko shayd yeh ...